Фрэнк Ллойд Райт

Фрэнк Ллойд Райт (ағылш. Frank Lloyd Wright; 8 маусым 1869 жыл, Висконсин Ричленд-Сентер қаласы — 9 сәуір 1959 жыл, Аризона Финикс қаласы) — америкалық архитектор, органикалық архитектураның негізін салушы.

Фрэнк Ллойдпен шатастырмаңыз

Фрэнк Ллойд Райт
Frank Lloyd Wright
Жалпы мағлұматтар
Азаматтығы	АҚШ
Туған күні	8 маусым 1867 (1867-06-08)
Туған жері	Ричленд-Сентер, Висконсин, АҚШ
Қайтыс болған күні	9 сәуір 1959 (1959-04-09) (91 жас)
Қайтыс болған жері	Финикс
Жұмысы мен жетістіктері
Білімі	Мадисондағы Висконсин университеті
Сәулет стилі	органикалық архитектура
Қолтаңбасы
Фрэнк Ллойд Райт Ортаққорда

Арнайы кәсіби білім алмаған. Архитектор Дж.Л. Силсби мен Л.Салливеннің шәкірті. Оның алғашқы туындыларына (Чикагодағы Чарнли және Робидің, Хайленд-Парктегі Уиллитстің үйлері) романтикалық серпін аңғарылады. Ол архитектураны пошымды табиғатпен шебер сындастыра отырып қолданды (Буффалодағы “Ларкин” фирмасының үйі, 1905; Токиодағы “Импириал” қонақ үйі, 1916 — 22). 1910 ж. Берлинде өткізілген Райт жобаларының көрмесі еуропалық архитектураның өркендеуіне игі әсер етті. Архитектор шығармалары көпке дейін АҚШ-та бағаланбай келді. Райт функционализм қағидасына айналған тік бұрыштылыққа доғал немесе спираль іспетті үлгіні (Нью-Йорктегі Гуггенхейм музейінің ғимараты, 1956 — 59) қарсы қойды. Сәулет өнеріндегі рационализмнің негізін салушылардың бірі. Райт гуманизмі әлеум.-филос. бағытта, алдымен жеке адамға қоғам әперген бостандықтан гөрі оның қоғамнан дербес бостандықта болуын уағыздайтын, жеке басылық еркіндікпен үндес болды. Райттың шығармалары 20 ғ-дағы архитектураның қалыптасуы мен дамуына зор ықпал жасады. ^[1][2][3][4]

Соломон Р. Гуггенхайм Мұражайы, Нью Йорк (1959)		Райттың Прайс Мұнарасы, Бартлесвиль, Оклахома		«Империал» қонақ үйі, Токио (1923)

Дереккөздер

1. "Қазақша энциклопедия 7 том"
2. Будущее архитектуры, М., 1960.
3. Гольдштейн А.Ф., Фрэнк Ллойд Райт, М., 1973
4. Фрэнк Ллойд Райт – Джорджия О. ’Киф, М., 2004.